植髮技術解碼
很多網友還忙於打電話問價 「喂，你哋幾錢一束呀!」
這其實很無謂! 又唔係買條頭髮番屋企自己種，幾錢一束同最終效果無關。如果效果唔自然，又唔夠密，條疤痕又礙眼，又犧牲左好多無辜嘅頭髮，重要擺左落 D 唔應該或唔需要擺嘅部位，就算十蚊
一束都無謂攪啦!
所以大家格價時，要同時比較吓技術。有 D 網友話其實間間都差唔多 - 錯!
植髮其實好似係車仔麪咁，有好多唔同嘅餸、麫、湯底可以揀，間間唔同架!
我們查閣各植髮中心網頁的資料，整理歸類後給各位介紹一下植髮嘅技術組合同流派。
植髮的步驟和技術名稱
植髮是由很多個步驟組合而成，大致上可分為七個部份- 髮線設計 Hairline Design
- 麻醉 Anesthesia
- 提取毛囊 Donor Harvesting
- 毛囊分割及存放 Graft Dissection and Storage
- 預先在頭皮「吉窿」Incision
- 植入毛囊 Graft Incision
- 傷口護理 Wound Care
步驟 1 - 髮線設計 Hairline Design
會跟據客人喜好、性別、年齡、脫髮範圍和移植束數來決定。但部份植髮中心唔重視髮線設計，全部都一模一樣。
此外，有Ｄ醫生會重視填密髮線中間 Forelock，有 D 會重視填密分界線 Parting Side， 有 D 會喜歡平均分佈，出來嘅效果係好唔同架!
步驟 2 - 麻醉 Anesthesia
局部麻醉用嘅藥應該差唔多，但注射嘅手法就好唔同，手勢好同用幼針咀嘅都唔會好痛。
好多人好驚打針或做手術，為了安定心情，醫生會預先用鎮靜劑。
但有兩種選擇 - 可以用口服鎮靜劑，可以用注射鎮靜劑，當然口服係會安全 D，最近臺灣有病人打靜脈注射時出事...。
步驟 3 - 提取毛囊 Donor Harvesting
要選擇唔受 DHT 影响嘅頭髮，醫生會在你後枕及兩隻耳朶對上的位置揀位，攞毛囊有三個方法:
1. 用鋒利但很大的圓管，在頭皮上鑽取 4-6mm 直徑有多束頭髮的組織，這方法稱為 Punch Graft 鑽孔式髮株移植，現在冇人用啩!
2. 用鋒利但很細的圓管，在頭皮上鑽取 0.7 - 1.2mm 直徑，包含衹有一個毛囊單位的組織，這方法稱為 FUE 「微創植髮」或「毛囊單株摘取法」，可分為手動 FUE 及電動 FUE 。
- 手動 FUE 係醫生手持圓刀，憑手感決定毛囊的方向及角度，逐條頭髮鑽出，要很大的心機和耐性，通常一天手術 (5-8 小時) 祇能提取 1200 - 1500 束毛囊，所以收費最高，仁安 DHI 技術其實是手動 FUE 的一種。
- 電動 FUE 現在國內及台灣興起熱潮，原因？ 一字記之若「快」! 要減低人工支出，降低每束頭髮的叫價，有兩個方法:
- 增加 FUE 拔頭髮的速度，例如每小時攞 200 束，每束 45 蚊；如果攞 1000 束，每束就可平到 9 蚊
- 聘用無經驗的醫生甚至無醫學背景的技術員來取髮，因為唔駛開刀，可以走法律罅。
客人姿勢 - 取 FUE 時有醫生要客人保持坐姿，身體前傾；有 D 要求客人俯卧，要保持這姿勢幾個鐘頭其實都幾辛苦。
3. 在永久生髮區取下一塊有頭髮的組織，交由助手分割成不同大小的毛囊，再將傷口縫合，這方法稱為毛囊單位移植 Strip 或 FUT，上網找尋資料時發現，世界上出名的植髮醫生仍然堅持使用這方法。
Strip 也有很多不同的技術流派, 例如
- 客人姿勢 - 有醫生要客人保持坐姿取 Strip，身體前傾 ， 有 D 則要求客人俯卧取 Strip，大概半個小時。
- 傷口縫合方法 - 普通縫合 vs. 隱痕方法 (Trichophytic Closure)。 後者令傷口瘉合後，疤痕中有頭髮長出，將疤痕隱藏起來，為現今最常用的方法。
而隱痕方法又可細分為 Upper Trichophytic 、Lower Trichophytic、和 Upper & Lower Trichophytic。 - 傷口縫合物料 - 包括尼龍線 Nylon (要拆線)、羊腸線 Catgut (不用拆線)、和金屬 clips (要拆)，視乎醫生喜好，可於手術後五至十四天拆線。
待續 ...
步驟 4 - 毛囊分割及存放 Graft Dissection and Storage
步驟 5 - 預先在頭皮刺孔 Incision
步驟 6 - 植入毛囊 Graft Incision
步驟 7 - 傷口護理 Wound Care