如何計劃植髮
很多網友都可能考慮緊植髮，心大心細，上網揾料，間間都話自己天下無敵，問朋友，有 D 話好有 D 話唔好， 有 D 話攞皮有 D 話微創，問家庭醫生，又好似知得重多過佢。
在這裏可提供一些小貼士讓大家参考：自我評估 - 倒逆思考法 Reverse Thinking
首先要考慮的不是幾多錢一束，做多少束，而是你是否需要或適合植髮。先問自己幾個問題；1. 我光頭靚唔靚仔？
如果都 OK，無必要做吖！2. 我是否鍾意剷青？
鐘意剷青，做嚟為乜！3. 我是男是女？
女 - 衹有15% 可考慮植髮:- 髮線上移額高 (天生或拉面皮) - Ok
- 頭頂分界位稀疏 - ok
- 植眉 - ok
- 植眼睫毛 - 等下先，遲吓有藥水搽左會增長
- 疤痕上 (舊創傷或手術) 無頭髮生 - ok
- 超級完美主意者 - 都係戴假髮好D
- 唔介意戴假髮D - 不如繼續戴假髮
- 但都建議先睇醫生查下有冇貧血呀、甲狀腺病呀。如果面毛多加暗瘡多，就要 check 下荷爾蒙。
4. 想填邊個位置
- 兩隻角 - 25 歲以下很多醫生唔會幫你做
- 頭頂轉位 - 可考慮搽藥食藥半年，再作決定
- 前面髮線 - ok，因搽藥食藥都唔會點幫到
- 由前到後都想填 - 睇下後尾枕 D 頭髮靚唔靚，再睇下財政狀況
夠錢夠頭髮當然可以考慮一次過搞掂，否則可先做前面，再加埋搽藥 /食藥，一年後再睇下效果，有時用前面植左的頭髮往後梳，遮到光明頂便可不用再做。
5. 上網搜集資料
暫時外國資料最詳盡的是美國 Dr Berstein 網頁 (英文) - www.bernsteinmedical.com
再瀏覽本所有植髮中心的網頁，比較一下專業程度。揀選兩三間後，作細心比較。
6. 電話或親自查詢
當然可以隨便發問，主要是感覺下該中心的友善程度，是否專業，了解如何收費，若有興趣不妨安排與該中心的醫生或顧問會面，睇下手術前後的相，了解凊楚。
溫馨提示
- 手術後一般需要休息數天，因此星期五及公眾假期前的手術期檔很易額滿，應早作安排
- 手術前一個月起不要剪短頭髮，留最少一吋。