回答網友查詢
歡迎提出有關植髮、脫髮、禿髮的問題，我們不懂的會代你請教專家，但因時間關係 (夜晚要兼職)，未必能即時或一一回答，請諒！
經常收到網友的查詢，但很多是涉及私人問題，或與本港某植髮中心有關，故祇能私下回覆，不便公開刊登。
日期: 十月五日 2011
gender = 男性
問:我想問仁安的專利 DHI 技術與FUE 有甚麽分別?
答: 引用香港討論區雄禿自救 MOREHAIR 的留言: 「"DHI" 其實即係 ‘FUE’ (Follicular Unit Extraction) 毛囊單位切割﹐ 只係佢自己改個名﹐ 令人覺得係佢發明概﹐外國係統一簡稱 ‘FUE'。 其實都唔算新﹐ 都有十幾年﹐ 不過由於價錢貴﹐一般比傳統植髮貴三倍﹐所以普及性始終唔高﹐多用於植眉﹐眼捷毛﹐頭部疤痕等。」 原文
日期: 十月三日 2011
gender = 男性
問:我想問2側既頭髮係唔係唔可以移植?
因為好小會見有人會用2邊既資源做植髮, 是否危險性比較大? 會傷害到神經線?
聽說有D醫生話唔得,有D又話無問題...... 希望能解答, 謝謝~
答: 兩側頭髮較稀疏，偏幼，無論 FUE 或 FUT 留下的疤痕都難掩蓋，–看便知做過植髮，盡量避免使用。
日期: 九月十五日 2011
gender = 男性
問: 本人27歲，因出現M字額，5年前開始食保康絲，因而得到改善，呢幾年都唔覺得有再甩。我知網主同某些醫生都不建議年輕人植髮(因為未甩定，日後可能要再做多次手術)，但如我植完髮後keep住食保康絲，你點睇？
答: 可以考慮。
很多人都希望年青時以最佳姿態見人，老左至算。
日期: 九月十日 2011
gender = 女性
問: 我的朋友，天生是一头卷发，永远都长不了，短短的，有什么技术方法可以令到她长出漂亮的长发？谢谢。
答: 不值得! 留短髮算了！任何生髮藥物必須長久使有才有效，停用可能會甩頭髮，你寧願短髮還是稀髮?
日期: 八月廿六日 2011
gender = 女性
問: 我20歲,天生額高又少眉毛,請問適合現在植髮嗎?可以植髮和植眉同時間做嗎? 大約幾耐會見效?謝謝.
答: 需医生評估，無可能網上睇症。衹有 15% 女士適合植髮。
植髮和植眉可同時間。幾耐視乎束數。
植出來的髮線很難做到自然，如果你是靚女，不要冒風險，以免破相!
日期: 八月十八日 2011
gender = 女性
問: 你好,我前額頭髮稀疏得好嚴重,髮線幾乎去到中間先見到。之前我睇過皮膚科醫生,我脫髮GE原因係遺傳性。醫生仲CHECK過我身體狀況良好,無問題..
之後我用 minoxidi, 但生左好多頭瘡,個頭仲勁痕,我自己又驚副作用,所以用左幾個月後決定唔用..
我今年20歲,好擔心頭髮問題,目前覺得只有植髮可以幫到我,想問問:
- 幾多歲後植髮會比較適合?
- 植髮適合用來解決我ge問題嗎?
- 「捐髮區」 的頭髮移到前額,是否代表捐髮區不會再有頭髮生長?
答: 一定要後枕頭髮粗壯才能考慮植髮。
醫生會在後枕取出一塊有頭髮的頭皮，再拉埋傷口縫合，所以不會有無頭髮生的現象。
每個醫生都會有自己的準則，要親自檢查才決定是否適合。
日期: 八月十二日 2011
gender = 男性
問: 你好.我想植髮.FUE 同 FUT都了解左. 唯獨是 DHI 唔知好壞.可以詳細解答下佢的好壞嗎? 價錢唔洗講入去.
答: 話 DHI 其實做的是 FUE，佢當然話唔係，祇要取髮和植入分開進行，便不是 DHI (Direct Hair Implant), 因 Direct 是指 「即時植入」 。
純萃個人意見， direct hair implantation 的概念很白痴，從後枕取一束毛囊，馬上要放入植髮器，再植入前面，需時最少 30 秒，即一分鐘最多兩束毛囊，一小時最多 120 束，要植 2400 束 (即 4000 多條) 不眠不休不食不飲不上厠所，也要 20 小時! 用 FUT 6-7 小時搞掂！你話呢?
(我深信這方法是白痴， 法律上不能構成毀謗!)
日期: 七月二十日 2011
gender = 男性
問: 本人23歲, 最近一年多開始頭髮慢慢變得少, 有看西醫, 建議我食藥, 但由於還年青, 不想吃一輩子藥, 我轉了去看中醫, 不知網主你對中醫生髮有沒有研究, 成功例子多不多呢?
中醫師跟我說,毛囊不會死掉,只要把身體調理好,頭髮自然會生長如以前, 你相信嗎?
中醫師說他有50多歲的病人也成功生髮, 雖然比較慢。
答: 視乎診斷。
中醫是沒有「雄性禿」這病名，所以中醫中葯不可能治雄性禿。
祇能治療血氣兩虧腎陰不足的脫髮。
中醫用的是陰陽五行氣血虛實外六因內六因經絡辨証法，西醫用的是解剖生物學病理法，兩個不同的體系，不能混作。
可是，你相信中葯能改變 DNA 嗎?
日期: 六月廿七日 2011
gender = 男性
問: 我已經有鬼挮頭4個月,大約有4個地方好似5毫子咁大都甩左頭髮,有咩方法可以令到個4個地方生返齊D頭髮??
另外可唔可以再比一D防止鬼挮頭出現既建議???
答: 對不起我們不提供治療方法，祇能由醫生處理，因牽涉使用類固醇。
日期: 六月十九日 2011
gender = 男性
問: Hello，我人在北京，希望去香港植发。我发现一个问题，大陆地区普遍推荐FUE，香港则推荐FUT，这是什么原因？是否FUT成活率高一些？THX～
答: 因為 FUE 成本低，醫生無須任何外科經驗，祇要一個助手便可開檔，所以在全世界都受商業機構及連鎖植髮店所歡迎。
FUE sells 的是「微創」、「無疤」，無一個醫生會夠胆話 FUE 的最終效果好過 FUT。
香港及國內我們己發現有不良的植髮中心，偷外國網站的病人手術前後照片，插入自己的網頁扮勁，千萬要小心比較。
日期: 五月五日 2011
gender = 女性
問: 我天生頭髮髮線很高, 就像一個M字頭,我想知道用生髮水可幫助到這個問題?
答: 作用不大 , 生髮水只可幫你生D幼毛出黎, 而且你一唔用又會甩。
日期: 四月六日 2011
gender = 女性
問: 本人於童年時曾接受化療,及後頭髮生長較以前稀疏很多,請問能否用植髮解決?
答: 曾接受化療,及後頭髮生長較以前稀疏很多，不建議用植髮解決:
- 因化療也會影嚮捐髮區的頭髮
- 若將來需再化療時會看到後枕的疤痕
日期: 二月十八日 2011
gender = 女性
問: 請問有斑禿可否接受植髮呢? 如用爸爸頭髮可以嗎?
答: 植髮衹適宜因外傷而非皮膚病引起的班禿，不可使用近親的头髮。
日期: 二月五日 2011
gender = 男性
問: 網上很多植髮中心都 post D 植髮前後照片，賣下告白， show 下quali，點樣知道係堅定流?
答: 網上有少部份相是假的。本港有一間醫院有一張手術前照片， 病人全部剷晒頭髮，留意雄性禿係唔會影响後枕及耳上的頭髮，而一般植髮更加唔會植在耳仔上方。
兩旁生番留長左頭髮，哈佢又當係植髮後的效果，唉 ...
另外如果植髮前後都係著番同一件衫，可能是電腦效果。
可以放大睇的一般很難做手脚。
日期: 二月二日 2011
gender = 男性
問: 1)請問我23歲，適唔適合做植髮?
2)植髮有冇下限?例如我額頭只係零零丁丁有一小部分冇左頭髮，想植50~100條，有冇醫生肯做?
答: 唔適合亦唔需要做。
你憑甚麽知道衹要植 50-100 條? 冇醫生會喜歡被病人吩咐做幾多。
日期: 一月十八日 2011
gender = 男性
問: 本人想問一下有關植假髮之問題: 1. 哪裡會提供植假髮服務呢? 即是直接將假髮聯上頭皮那種。2.價錢方面大約是多少呢? 3.植假髮公司有其他實際案例提供嗎? 非常感謝網站作出解答和回應!! 謝謝 ~
答: 植假髮在外國己被禁了很多年啦，植入的物料會引起排斥導至長期爛肉流濃... 是你的仇家告訴你嗎?
日期: 一月十一日 2011
gender = 男性
問: 你好，本人今年24歲。
早前剪頭髮的時候，師傅發覺我頭頂的頭髮比之前稀疏了一點，我自己用鏡看看後，亦發覺頭頂轉位附近的頭髮有點稀疏的，但未至於禿的情況，但這現象已經令我有點擔心。
坦白說，最近工作上的壓力比較大，亦比較缺乏睡眠，請問這會是原因嗎？
如果我由現在開始改變生活習慣，例如早點睡覺或放輕鬆點，頭髮有機會恢復濃密嗎？還是要及早接受治療？
答: 似乎是雄性禿先兆。
脫髮有一條規律: 覺得疏疏地 - 唔見左一半；疏得好明顯，祇餘三成！
你能否從–個人的禿髮程度來判斷他的職業 e.g. 殺手，CID，卧底 (全部都工作壓力大，缺乏睡眠) ? 所以唔關生活習慣事，早D睇醫生及早接受治療。
拯救髮根，唯靠醫生。
日期: 十二月二十八日 2010
gender = 男性
問: 我既情況係頭頂前方有個area冇乜頭髮(大概2個5蚊咁大)。唔係M字額，又唔係地中海。之前食過維康絲冇乜用。
唔知我算係咩問題呢?
答: 最大机會係鬼剃頭，要睇下醫生
日期: 十二月十三日 2010
gender = 女性
問: 你好!我發現自己的頭項分界位開始稀疏,正考慮是否植髮,但本人亦有面毛多加暗瘡多的情況，在你的網頁中建議要 check 下荷爾蒙。
想問如果真是荷爾蒙的問題,又可以怎樣治療呢? 謝謝你!
答: 女性脫髮必先確定成因，再對症下藥，植髮絕非首選。
將問題留給皮膚科醫生吧，若診症時發覺她/他也有禿髮，建議馬上離開，不要浪費診金，若他/她連自己都唔care, 點會幫到你?
日期: 十一月十五日 2010
gender = 男性
問: 你好～其實本只係得23歲，不過幾年前已經見額2個角位有d脫髮，試過用一d生髮用品雖然無特別再脫勁左，不過果2個額頭位都係比較梳，唔知你會唔會知道如果整額位（唔係完全無既情況下），要整幾多束先會夠？又會幾多錢到？
因為其實我都係岩岩出黎做野，真係無咩錢，不過呢樣野對我又好困擾，唔想俾人呃之下，希望問問你意見～！！！
麻煩你～！！
答: 無藥可改善額角位，不用浪費金錢時間。
23 歲不宜植髮，多等幾年吧！宜家整左幾年後當髮線再後移時又要再植過。
日期: 十月二十六日 2010
gender = 男性
問: 你好,我係網上某個討論區聽到人講,有脫髮,去植髮中心度check仲好過皮膚專科,因為有儀器睇清楚d頭髮,會準確d,所以我去左1間植髮中心度想俾醫生睇下,咁我就知自己未嚴重到要植髮既階段,只係想確認下係咪雄禿,但咨詢顧問話醫生唔會普通睇症,只係for植髮既睇症,話普通睇症要去皮膚科,所以最後冇見到醫生,我想問植髮中心係唔係唔會普通睇症,幫你檢查脫髮係雄禿定其他原因?
答: 首先你要明白雄性禿並非脫髮，而植髮是治療雄性禿而非治療脫髲。
不同的植髮中心有不同的營運方法。
有些植髮中心的醫生是全職植髮，而一個手術要六至八小時，如果醫生參與整個手術的話，則未必有時間照顧一般的脫髮病症。
而植髮中心的醫生本身未必是皮膚專科出身，所以不會隨便處理脫髮，因脫髮的成因可能很覆雜，可能需要驗血及切除頭皮組織檢查，而治療方法可能涉及類固醇，亦要定期跟進，由皮膚科醫生跟進會較合適。
而有些植髮中心的醫生可能會有多餘的時間作其他診症，或進行其他美容手術。香港植髮中心的陸宏隆醫生好像有皮膚科資格，可進一步查詢。
日期: 十月二十日 2010
gender = 男性
問: 1. FUE 和 FUT 手术植发的毛囊成活率一样吗？
答: FUT 植发的毛囊成活率比 FUE 高。
問:2.那能否这样理解植发：原先那些稀疏或头发变细不健康的地方的头发都是要掉光的，植发的目的就是要用新的毛囊来取代这些区域的毛囊 所以脱发过程中加密植发和掉光后植发的效果基本上差不多，都是要用健康毛囊替换一遍的。
答:植髮的原意並非要用新的毛囊来取代不健康的毛囊，而是要用最少的毛囊來製做視覺上的效果，改善儀容。加密時有机會傷及原有的毛囊，若病人堅持不剪髮而進行植髮，原有的頭髮會妨礙視線，所以很多醫生會減低植入的密度，效果會不及植入全掉光的區域。
問:如果这样看的话移植手术想一次性根本解决脱发的问题应该不是太可能，可能在短期会有很好的效果，但从长期开看还是会有一些不健康的毛囊脱落，以上是我的理解，请指正。
答:植髮並非是要根治脫髮，而是唔好俾人叫光頭佬，有技巧的醫生衹用幾千束己能達到合理持久的效果。
日期: 九月十四日 2010
gender = 男性
問: 我以前在美國 Dr Limmer 處做過一次 FUT 植髮，效果很好，現在想在香港再做多次，請問有邊間係用顯微鏡做毛囊切割的?
答: 以我們所知有以下三間：
1. 仁安 DHI
2. 眉髮醫學移植中心
3. Dr Eric Lam 植髮中心
日期: 九月一日 2010
gender = 男性
問: 可以用鬍子當作頭髮移植嗎?
答: 可以，一般都是以微創 FUE 提取毛囊，較適合中東人士，但會在面部留下點點的疤痕。
日期: 六月廿三日 2010
name = 光仔
gender = 男性
問: 請問 FUE 與 DHI 有何分別?
答: FUE 是先從後枕取出頭髮，待達到相當數目，才一次過植入，其間可能相隔數小時，所以會減低存活率，進行 FUE 時患者需要面向下躺幾個小時，容易頸痛背痛。
而 DHI 官方網站，強調使用 Direct Hair Implantation 技術, 即是 「即時植入」，頭髮從後枕取出後，馬上放入專利的植髮器 implanter，即時植入禿髮部位，因毛囊離開身體祇有幾秒，無須經過冷藏，另外是在取髮時，病人是坐著的，而非躺下的，這是 DHI 是專利技術，聲稱能提高毛囊的存活率，故收費比 FUE 高 2 至 3 倍，詳情可向本港 DHI 代理查詢。
雖然 DHI 與 FUE 最大分別是 DHI 在取髮時是坐著的， FUE 是面向下躺下的，但現時很多採用電動 FUE 儀器的中心，取髮時病人也是坐著的。
DHI 網頁原文:
" Well, for a start the patient doesn’t have to remain in the clinic for hours lying face down on a surgical bed. Instead the procedure is carried out with the patient seated comfortably in a surgical chair, with back and neck fully supported. Minimal postoperative medication is needed because the whole procedure is performed quickly and painlessly.
The procedure eliminates the need for reception holes because the placement of new hair follicles is performed using the DHI Implanter. Medical assistants no longer need to handle hair follicles during the procedure. Previously with older techniques, the handling of hair follicles was necessary during certain phases of the procedure, such as to examine them under a microscope, when preserving them in a saline solution in Petri dishes, when counting them and also when loading the implanters. With all these factors now eliminated, the overall minimally invasive nature of the new technique, is most certainly a key factor in diminishing the fatigue factor of hair follicles and therefore increases their overall long term survival. This is because each hair follicle is extracted separately and transferred immediately to the recipient, thus the time that the hair follicles remain out of the body is diminished from hours to only a few seconds.
問: 有甚麽活動是最傷頭髮的?
答: 桑拿是其中之一，高温會影響毛囊，記住頭頂放塊濕毛巾。
問: 植髮以每束計算，我怎知醫生會否報大數？
答: 如果擔心這醫生呃你一千幾佰蚊，即是說你不信任他，那你應另找一個。記住，你要安心將你僅餘的千百毛囊性命交在他手裏－疑人不用，用人不疑。我們網上列出的植髮醫生無咁 cheap 的。
日期: 五月九日 2010
name = 維仔
gender = 男性
問: 我今年23歲想問一下植髮係唔係最好解決遺傳脫頭髮問題
答: 唔係，因唔知將來會甩成點，太早造手術可能唔夠頭髮埋尾。
問: 還有我是夜班工作人士這樣會不會影響我脫髮?
答: 唔關事，否則飛機師全部光頭。
問: 我老豆係光頭 嫁..我想我應該係遺傳脫了.遺傳脫髮逞要係唔係因dht過多影響到脫的好像夜班工作,日常飲食會不會影響到脫頭髮
答: 食太多高脂食物及吸煙會影響到脫頭髮
問: ..你說25歲以下要填2隻角好多醫生都唔做...2隻角是指頭髮那個位置
答: 兩邊鬢角
日期: 四月廿九日 2010
name = Chan
gender = 男性
問: 我上左幾間問, 但個個講ge都差唔多,點揀?
答: 要最平，返深圳，平過台灣，要最好，則睇下醫生講D嘢合唔合理，有冇講其他方法補住唔植嘅地方。